(«Մյունխհաուզենի արկածները» գրքից)
Ռուդոլֆ Էրիխ Ռասպե
Պատերազմում, իհարկե, իմ քաջությամբ աչքի ընկա եւ թշնամու վրա հարձակվելիս ամենից առաջ ես էի գնում:
Մի անգամ տաճիկների հետ կատաղի կռիվ ունենալուց հետո, մենք գրավեցինք թշնամու բերդը: Ես առաջինը մտա այդ բերդը եւ, դուրս քաշելով բոլոր տաճիկներին, փրփրած ձիս քշեցի դեպի աղբյուրը՝ ջուր տալու: Ձին ջուրը խմում էր եւ ոչ մի կերպ չէր կարողանում իր ծարավը հագեցնել: Անցավ մի քանի ժամ, բայց ձին աղբյուրից չի կտրվում: Սա ի՞նչ հրաշք է: Ես ապշեցի: Բայց հանկարծ իմ հետեւից ջրի արտասովոր ձայն լսեցի:
Ես նայեցի եւ զարմանքից քիչ մնաց, որ ձիուց ընկնեմ:
Բանից դուրս եկավ, որ ձիուս հետեւի մասը կտրված է եւ ջուրը, որ խմում էր, ազատ կերպով ետեւից թափվում է՝ փորումը չի մնում: Այդ պատճառով ետեւիս մի մեծ լիճ էր գոյացել:
Ես ապշեցի: Ինչ տարօրինակ բան է:
Բայց այդ ժամանակ զինվորներիցս մեկը մոտեցավ ինձ եւ հանելուկը պարզեց:
Երբ ես հետեւելիս եմ եղել թշնամիներին եւ բերդն եմ մտել, տաճիկները հենց այդ վայրկյանին բերդի դուռը փակել են եւ ձիուս կեսը կտրել: Կարծես կես են արել: Ետեւի մասը միաժամանակ մնացել է դարպասի մոտ, աքացիներով ցրել տաճիկներին, հետո վազել մոտիկ դաշտը:
-Նա այնտեղ արածում է, – հայտնեց զինվորս:
–Արածում է: Չի կարող պատահել:
-Ինքներդ տեսեք:
Ես, ձիուս առաջին կեսի վրա նստած, սլացա դեպի դաշտը: Այնտեղ ես իսկապես տեսա ձիուս երկրորդ մասը: Նա կանաչ դաշտում հանգիստ արածում էր:
Ուղարկեցի զինվորական բժշկի ետեւից եւ նա, երկար չմտածելով, դափնու բարակ ճյուղերով ձիուս կեսերը կարեց իրար, որովհետեւ թել չուներ:
Ձիուս կեսերը կպան իրար, իսկ դափնու ճյուղերը նրա մարմնի մեջ արմատներ արձակեցին եւ մի ամսից հետո թամքի վրա դափնու ճյուղերից մի լավ տաղավար ունեցա:
Այդ տաղավարի մեջ նստած, ես շատ զարմանալի քաջագործություններ կատարեցի:
Հարցեր եւ առաջադրանքներ
- Դու՛րս գրիր անծանոթ բառերն ու օնլայն բառարանի օգնությամբ բացատրի՛ր։
Ցրել – ցիրուցան անել
Աքացի – ոտքի հարված
2․ Ձիու անունից համառոտ պատմի՛ր «Կես ձին»:
Շատ ցավոտ էր, երբ կեսս չկար։ Բայց երբ միացրին շատ հաճելի էր և ես դարձա նույն ձին։
3․ Ձիերի մասին 5-10 փաստ առանձնացրո՛ւ եւ որեւէ ձեւով (ռադիոնյութ, տեսանյութ, սալիկահանդես) ներկայացրո՛ւ բլոգումդ:
- Ձին ընտլացվել է 5-6 հազար տարի առաջ Ասյայում։
2. Ձիերը կարող են քայլել և վազել ծնվելուց ընդամենը մի քանի ժամ հետո:
3. Գոյություն ունի ձիու 160 ցեղատեսակ, որոնց մեջ ամենամաքուրը համարվում է արաբականը:
4. Տնային ձիերը սովորաբար ապրում են մոտ 25 տարի: Այնուամենայնիվ, ամենատարեց տնային ձին Older Բիլլին էր, որը մահացավ 62 տարեկան հասակում:
5. Ձիու մեջ ոսկորներն ավելի քիչ են, քան մարդկանց մոտ։
4. Գտի՛ր բառեր, որոնցից կարող ես գործողություն ցույց տվող բառեր ստանալ.
օրինակ՝ նկար-նկարել, խոսք-խոսել։
կռիվ – կռվել
վազք – վազել
5․ Նշված ընդարձակ նախադասությունները դարձրո՛ւ համառոտ, համառոտները՝ ընդարձակ:
Ձին խմում էր։
Ես կատարեցի։
Ես ապշեցի։
6. Տրված բառակապակցություններն գրի՛ր մեկ բառով:
Օրինակ՝ կարուձեւ անող արհեստավոր-դերձակ
Ձիերի խումբ – երամակ
Որս անող մարդ – որսորդ
Բույսով կերակրվող – բուսակեր
Ձիու ձագ – քուռակ
Հրաման տալ – հրամայել
Կենդանիներ բուժող մարդ – անասնաբույժ